Espainian urtero haur eta nerabeen minbiziaren 1.500 kasu berri diagnostikatzen dira, eta 1-14 urte bitarteko adingabeen artean gaixotasunagatiko lehen heriotza-kausa bihurtzen da, Minbizia duten Haurren Gurasoen Espainiako Federazioaren (FEPNC) arabera. Ostegun honetan, otsailak 15, ospatuko den haur minbiziaren egunaren baitan, Euskal Herriko Pediatria Elkarteak eta Juneren Hegoak elkarteak iragarri dute “June Sánchez Tolaretxipi” IV. Beka emango diotela Aizpea Echevarria doktoreari, haur minbiziari buruzko ikerketa proiekturako.
Hirugarren urtez jarraian, Bizkaiko Biocruces Institutuko onkologia pediatrikoko taldeak jasoko du beka, Itziar Astigarraga ikerketatzaileak gidatuta: “Guretzat oso garrantzitsua da ikerketa lagunduko duten ekarpen ekonomikoa. Juneren Hegoak elkarteak esleitu dizkigun azken hiru bekei esker, aurrera egin eta hobetu ahal izan dugu haurren minbizien diagnostikoan eta tratamenduan, hala nola pediatriako sarkometan (pediatriako tumore guztien % 15 gutxi gorabehera), azterketa genetikoak barne, eta gure pazienteek etekina atera diete arlo horretan egin ditugun aurrerapenei”, nabarmendu du Aizpea Echevarriak.
Bekaren helburua da finantza-laguntza ematea haurren onkologiako ikerketa-proiektu bati, diziplina horrekin zerikusia duen edozein arlotan, eta paziente-talde horren diagnostikoan, jarraipenean eta tratamenduan hobekuntzak egiten laguntzea, pazienteen bizi-itxaropena areagotzeko. Gogoan izan behar da Juneren Hegoak taldearen inspirazio izan zen June Sánchez Tolaretxipi txikia 2013an hil zela, bi urte zituela, haurren minbizi baten ondorioz. Urte horretan bertan, gurasoek eta gertuko pertsona talde batek elkartea sortu zuten Errenterian. Harrezkero, laguntza-sare bat sortu dute Euskadin kalteberatasun-egoeran dauden eta gaixotasunei, dibertsitate funtzionaleko egoerei eta/edo adingabeen doluari aurre egiten dieten familientzat, eta haien bizi-kalitatea hobetzen lagunduko duten aukera batzuk eskaini dituzte. Ordutik, Juneren Hegoak elkarteak 72 adingabe artatu ditu (68 familia). 2023an 26 familia lagundu ziren, eta horietatik 8 familia berriak izan ziren (5 terapietan, farmazian eta bidaietan lagunduz, besteak beste, eta 3 ospitalean lagunduz).
2015ean, erakundeak June Sánchez Tolaretxipi beka sortu zuen, Pediatriako Euskal Autonomia Erkidegoko eta Nafarroako Elkartearekin batera, asmo bikoitzarekin: alde batetik, June omentzea eta gogoratzea; eta, bestetik, haur-minbiziaren ikerketa bultzatzea, hura pairatzen duten haurren eta haien familien bizitza hobetzeko, elkartearen hiru helburu nagusietako bigarrena betez, hau da, haurren gaixotasunen aurka borrokatzea (lehenengoa familiei laguntzea eta orientatzea da, eta hirugarrena haurren gaixotasunen errealitatea gizarteari, oro har, hurbiltzea).
“Irmoki sinesten dugu ikerketan, haurren gazteen aurkako borrokan irtenbide bakarra den aldetik. Zoritxarrez, gaur egun, ikerketarako laguntzak mugatuak dira. GKEen sektorea ere ez da une ona bizitzen ari, bizi behar dugun egoera dela eta. Horregatik, 2022an crowdfounding edo finantzaketa partekatu bat atera genuen, eta jaso ditugun beste dohaintza batzuekin batera (Orereta Ikastolarena, esaterako), bekaren edizio honetarako ekarpena biltzen lagundu du”, adierazi dute Juneren Hegoak elkartetik.
June Sánchez Tolaretxipi I. beka Biodonostiako Idoia García Camino medikuak gidatutako ikertzaile-taldeak irabazi zuen 2015ean, Gipuzkoako haur eta nerabeen tumore pediatriko arraroen karakterizazio molekularrari buruzko lanagatik. Bigarren ediziotik aurrera, Biocruces onkologia pediatrikoko ikerketa-taldeak jaso du beka, Itziar Astigarraga doktore-ikertzailearen gidaritzapean. Zehazki, II. Beka “Infekzio larriak diagnostikatzen dituzten markatzaileak zehazteko proteinen analisia” izeneko proiektura bideratu zen, eta III. Bekaren ardatza “Esanahi ezezaguneko aldaeren eta umultzoen aurkako erantzun immunea arautzen duten ligandoen analisia, pediatriako sarkomen diagnostikoa, pronostikoa eta tratamendua hobetzeko” izan zen. Aizpea Echevarriak aurkeztutako eta laugarren edizioko irabazi duenak sekuentziazio masiboko teknikak (NGS) aplikatzean sakonduko du, balio diagnostikoa eta/edo pronostikoa duten markatzaile molekularrak identifikatzeko eta sarkoma pediatrikoetan tratamendu pertsonalizatuagoa lortzeko.
Juneren Hegoak-i laguntzeko:
- Egin zaitez boluntario. Idatz iezaguzu: [email protected]
- Egin zaitez Teamer euro baten truke hibetero: https://junerenhegoak.org/1euro
- Egin dohaintza bat PayPal-en bidez: https://paypal.me/junerenhegoak
- Juneren Hegoak elkartearen lagun laguntzaile bihurtu https://www.junerenhegoak.org/eu/egin-zaitez-juneren-hegoaken-lagun/
- Egin ezazu transferentzi puntuala: ES81 0081 4254 46 0001112822 (Banco Sabadell)
- BIZUM: 03930 kodea edo bilatu DOHAINTZAK saioan “Juneren Hegoak”